1. |
||||
I steh' fix in da Kurv'n
wann I sunst ned hölf'n kann
und I hab nix dagegen
wann meine Leit' heit' ohne mi besser san
Wos für mi zöh't is nur da Klub
a guades Spü mit Leidenschaft
Es is ma pare wer da neb'n mir steht
Wir schrei'n mit aller Kraft
Oh Oh Oh Oh Oh Oh
Morgen bin i ah no do
Jessas na, Meinersö
Für Dynamo renn I so schnö
Hawedere, Servas G'schäft
Bei so vü Nuller wird ma schlecht
Es Göd hot unsan Spurt vadurbn
I spü nur mehr fia meine Farb'n
Spün seit da C Jugend gemeinsam
Woher er kummt woa mir egal
Unsa Goalie isst nur kosher
Owa hoit phänomenal
Die Flügelzangen is verheirat
über uns redn's allerorts
Wonn eich des ois wurscht is
san eichare Farb'n ORANGE UND SCHWOAZ
Oh Oh Oh Oh Oh Oh
Morgen bin i ah no do
Jessas na, Meinersö
Für Dynamo renn I so schnö
Hawedere, Servas G'schäft
Bei so vü Nuller wird ma schlecht
Es Göd hot unsan Spurt vadurbn
I spü nur mehr fia meine Farb'n
Und es Göd is ned so wichtig
Wir stengan do wann's ned so lauft
Des is a Wappen und ka Logo
und die Stimmung is ned kauft
Gebt's ma Schuach
Gebt's ma Schuach
Gebt's ma Schuach
I bin ned im Training
owa sicha spü i durch
|
||||
2. |
||||
Durch die finstern Eck'n von der Donaustodt bis zum Dechantsteg
Wor's fia Di a longa, brader schwera Weg
der uns am End' dann zambrocht hot
Dass es Leb'n ned nur Sonnenset'n hot wor da sehr schnö kloa
Host die Hoffnung ni valaon und drauf vatraut
Es kummt wos kummt, es woa wos woa
Da Winter der is goa, von da Panozzalock'n in Deine Hoa
Blost a neicha Wind, vatrau da wia a Kind
Wäu so a Mischung die gibt's hoid nur in da Lobau
und des ane wer I sicha nie vasteh'n
Vom Roten Hiasl bis zum Löwen hättst an jeden leicht kriagt
Owa na Du lebst mit mir dei Lebn
Und wia die Gschicht mit Dir am End' ausgeht wird erst jetzt dazöht
Da Löwe dort is zwoa aus Staa owa sei Herz host Du
und hoist da ollas was Dir föh't
Da Winter der is goa, von da Panozzalock'n in Deine Hoa
Blost a neicha Wind, vatrau da wia a Kind
Wäu so a Mischung die gibt's hoid nur in da Lobau
und des ane wer I sicha nie vasteh'n
Vom Roten Hiasl bis zum Löwen hättst an jeden leicht kriagt
Owa na Du lebst mit mir dei Lebn
|
||||
3. |
Nix mehr (akustisch)
03:13
|
|||
Da Weg vom Bahnhof bis daham is ganz schee lang
Wann ma nix red
Jeder Regntropfn der Di dawischt is wia a Staa
Wir gengan's wieda moi ned an
Des wird nix mehr mit uns
I glaub wir lossn's bleibm
Du gspiast nix und i red nix
Es kunnt ned leichta sein
Ma soi ned zruck schauen und sie ärgern
wäu so is es Lebn
zum Ölfmeta angrennt owa dann hoaschorf danebn
Am Goalie is ned glegn
Des wird nix mehr mit uns
I glaub wir lossn's bleibm
Du gspiast nix und i red nix
Es kunnt ned leichta sein
Zwa Leit am Tisch und die Luft is tödlich
I nehm mei Hand aus Deine Hoa
Wann I geh loss I mei Herz durt liegn
wo I mit Dir glücklich woa
Des wird nix mehr mit uns
I glaub wir lossn's bleibm
Du gspiast nix und i red nix
Es kunnt ned leichta sein
|
||||
4. |
||||
Die Mama schreit in'n Hera
Es gibt a Donnaweda wannst Di heit hamtraust
Owa I wass wos los is wäu ohne Dosis flippt's hoid
schnölla aus als'D glaubst
Es is hort owa wort, I wass wer ma'n Zehna schnorrt
Sechsertragerl hol I von da Tankstö vorn
Siasse Tschick hob I pickt, da Kummer is schnö dastickt
Und scho hoit ma's ganz locker aus bis murgn, herst
Ois guad Bettina, im Speiserhof wird's stü
Hoit Di bei mir an, I hob a guades Gfü
Da Voda möldt si eigntlich nur mehr dann
wann er an Knedl braucht - es söwe Gschichtl
Es is eh kloa dass er wieda spüln woa
owa er sogt sie ham's erm gflaucht
Es is hort owa wort, I wass wer ma'n Zehna schnorrt
Sechsertragerl hol I von da Tankstö vorn
Siasse Tschick hob I pickt, da Kummer is schnö dastickt
Und scho hoit ma's ganz locker aus bis murgn, herst
Ois guad Bettina, im Speiserhof wird's stü
Hoit Di bei mir an, I hob a guades Gfü
Es is hort owa wort, kumman weg wenn die Schnöbahn fohrt
Murgn in da Frua samma ganz weit furt
Wo's uns gfoit werma oid, host an Freind der fix zu Dir hoit
Am End von der Gschicht wird dann ollas guat herst
Ois guad Bettina, im Speiserhof wird's stü
Hoit Di bei mir an, I hob a guades Gfü
|
DYNAMO MÜHLSCHÜTTEL Vienna, Austria
Mordor punks.
Donauturm state of mind.
Tiger Michl. Hias aus Stadlau. Captain Swag.
Streaming and Download help
If you like DYNAMO MÜHLSCHÜTTEL, you may also like:
Bandcamp Daily your guide to the world of Bandcamp